تعليمات مهم جدا انك تكون عارفها
: المواعيد
المكتب شغال ٢٤ ساعه ، و اليوم بيبدأ من ٦ صباحا و ينتهى ٦ صباحا تانى يوم ( يعنى حضرتك تقدر تستلم المعدات اى وقت يناسبك بدأ من الساعه ٦ صباحا و لازم ترجعها اى وقت يناسب حضرتك قبل ٦ صباحا تانى يوم )
- فى حاله ان العميل اتأخر عن الساعه ٦ بيكون فى سماحيه نص ساعه لكن بعد كدا بيكون من حق المكتب انه يحاسب العميل على يوم زياده , علشان كدا ديما ركز انك تلتزم بمواعيد المكتب علشان احنا مش عايزينك تدفع ازيد من اللى انت عامل حسابك عليه .
إجراءات الأستلام والتسليم :
- لازم حضرتك تجرب المعدات كويس جدا بنفسك و حضرتك بتستلمها و تطمن انها بتشتغل ١٠٠٪ ، لاننا احنا كمان هنجربها كويس و احنا بنستلمها منك , لان فى حاله اى عطل او كسر ف المعدات بيتحمل العميل قيمه اصلاح المعدات كامله ف ارجوك بلاش تيجى مستعجل و تضطر تاخد المعدات من غير ما تجربها لأن المكتب بيخلى مسئوليته من عدم تجربه العميل للمعدات وقت الأستلام .
- من كتر اهميه انك تستلم المعدات بنأكد عليك تانى ان لازم حضرتك تستلم المعدات و دا أمان ليك و لينا ..
- حضرتك هتمضى على ايصال أمانه بقيمه المعدات و حضرتك بتستلمها و هتسترده تانى و حضرتك بترجع المعدات سليمه بنفس الحاله اللى خرجت بيها .
- متاح ان حضرتك ( لوحبيت ) تسيب الإيصال ف المكتب بحيث نسهل عليك بدل ما كل مره تمضى إيصال تكون بتاخد المعدات بضمان الإيصال الموجود بشرط إن قيمه الإيصال تكون بنفس قيمه المعدات اللى حضرتك بتستلمها .
-لازم حضرتك تكون أكبر من 21 سنه علشان تمضى على الأيصال .. و لو اصغر من السن دا ممكن يكون مع حضرتك الوالد او الأخ الأكبر يمضى بدل منك .
- فى حاله ان حضرتك عميل جديد فلازم حضرتك اللى تستلم المعدات بنفسك .. مينفعش تبعت حد يستلم مكانك .
- فى حاله ان حضرتك عميل قديم و هتبعت حد يستلم المعدات مكانك فلازم تبلغنا مين اللى هيستلم و دا أمان ليك ولينا.
- فى حاله ان حصل مشكله ف المعدات ف الاوردر اوعطل لازم حضرتك تكلمنا تبلغنا علطول علشان نكون بنحل الموقف متستناش لما اليوم يخلص و ترجع المكتب و تبلغنا و حضرتك بتسلم المعدات .
- من حق العميل يحتفظ بالكارت الميمورى لو عليه داتا علشان ينقلها لمده يوم اضافى بعد يوم الاوردر الخاص بيه بدون حساب ايجار الكارت , و يبدأ
حساب ايجار الكارت بدأ من اليوم التالى بصوره عاديه جدا علشان كدا حاول تنقل الداتا الخاصه بيك ف نفس يوم الأوردر او بعده بيوم بحد اقصى علشان
ميتحسبش عليك الكارت ايجار .
- لو حضرتك معاك عربيه نستأذنك تركنها خارج الجراج منعا لأزعاج السكان ( اهتموا بالنقطه دى جدا )
لغى الأوردر :
ضرورى لو الاورد بتاعك اتلغى تبلغنا قبل ميعاد اوردرك على الاقل ب ٢٤ ساعه ، لان لو العميل لغى ف نفس اليوم( بدايه من 6 صباحا ) بيحاسب على 50% من قيمه الأوردر بتاعه لان للأسف المعدات دى بتكون مطلوبه و بنضطر نعتذر عنها علشان العميل اللى بيكون حاجزها فحاول تبلغنا بدرى علشان احنا مش بنكون حابين خالص ان حضرتك تتكلف تمن حاجه مستخدمتهاش .
الحسابات :
- عندنا نوعين من الحسابات يا اما افراد او شركات :
الأفراد : لازم تحاسب على الأوردر ف نفس اليوم .
الشركات : ممكن تحاسب بالشهر فى حاله ان اجمالى اوردرات حضرتك يتخطى 20 الف شهريا ولازم الحساب يتقفل من يوم 1 -5 الشهر اللى بعده .
طرق الدفع :
كاش , انستاباى , محفظه, فيزا , تحويل بنكى .
ادخل على اللينك داعلشان تعرف كل المعدات اللى عندنا بأسعارها :
Click Here To Go To Price List
: تابعنا على فيسبوك
:تابعنا على انستجرام
Phone & What'sApp : 01201786607
: العنوان
57 عمارات رابعه الأستثمارى ( برج الصفا و المروه ) , متفرع من شارع النزهه , بجوار نادى الطلائع , مصر الجديده .
Location :
Or Write Sawarny Camera Rent On Google Maps